Tsihiotsmisõmäng
Uma Pido liikmissari “Lövvämi tii Umalõ Pidolõ” om peetü. Vähembält säitsmest etapist võtt’ ossa 23 inemist. Aituma kõigilõ kõrraldajilõ ja ossavõtjilõ!
10. päiv
18.05.2024 saimi kokko Põlva kultuurikeskusõ man. Seo kõrd läts’ raa pääle 49 inemist, kõik punkti’ käve läbi 10 osalist. Mängiti laulumängo “Tsõdsõmiis, kas külän kävet?”, mängo võtt’ iist Meelika Hainsoo, tedä tugi folklooriansambli Käokiräs.
Põlva etapi raameistre oll’ Katrin Viilu, tedä tugi OK Kobras. Kokko oll raa pääl 20 kultuuriluuga köüdetüt punkti, raa pikkus oll’ ca 12 kilomiitret.
Märgotamisülesandõ “Nukidsamiis ja Kusti” vastussõvariandõst valiti kõgõ inämb 4. variantsi.
Kullõ’
vai loe’ märgotamisülesannõt.
Kae’ Põlva rata.
9. päiv
13.04.2024 kell 11 saimi’ kokko Harglõ Maakultuurimaja man. Seokõrd läts raa pääle 50 inemist, kõik punkti käve läbi 14 osalist. Mängiti laulumängu “Aadamil oll´ säidse poiga”, midä võtt iist Meelika Hainsoo. Paigapäälist kõrraldust avvit vitä Lea Radsin.
Harglõ etapi raameistre oll Sixten Sild, rata avit plaani Mariko Faster. Kokko oll raa pääl 18 kultuuriluuga köüdetüt punkti, raa pikkus ca 20 kilomiitret.
Märgotamisülesandõ “Kiholaisi kaitsõala” vastussõvariandõst valiti kõgõ inämb 4. variantsi.
Kullõ’
vai loe’ märgotamisülesannõt.
Kae’ Harglõ rata.
8. päiv
16.03.2024 kell 11 saimi’ kokko Kanepi koolimaja man staadioni pääl. Seokõrd võtsõ liikmispääväst ossa ja tekk’ raa läbi ca 80 inemist (kõik punkti’ käve läbi 25 osalist). Mängiti laulumängu “Ja seo katskümmend üts”, midä võtt’ iist Meelika Hainsoo. Paigapäälist kõrraldust avit vitä Marju Jalas.
Kanepi etapi raameistre oll’ Katrin Viilu. Raa pääl oll’ 20 kultuuriluuga köüdetüt punkti, raa pikkus ca 10 kilomiitret.
Märgotamisülesandõ “Rebäside kavval plaan” vastussõvariandõst valiti kõgõ inämb 3. variantsi.
Kullõ’
vai loe’ märgotamisülesannõt.
Kae’ Kanepi rata.
7. päiv
03.02.2024 kell 11 saimi’ kokko Verska kultuurikeskusõ man. Seokõrd võtsõ liikmispääväst ossa ja tekk’ raa läbi ca 30 inemist (kõik punkti’ käve läbi 13 osalist). Seokõrd mängiti laulumängu “Rikas puu”, midä võtt’ iist ülembsootska Evelin Leima. Tedä tugi Verska naistandsurühm Lustiline, juhõndaja Janeka Leetma.
Verska etapi raameistre oll’ Raul Kudre. Tedä avit’ Taavi Põder. Raa pääl oll’ 20 kultuuriluuga köüdetüt punkti.
Märgotamisülesandõ “Sõbrakutsõ’ okasroosikõsõ käest” vastussõvariandõst valiti kõgõ inämb 1. variantsi.
Kullõ’
vai loe’ märgotamisülesannõt.
Kae’ Verska rata.
6. päiv
20.01.2024 kell 11 saimi’ kokko Rõugõ rahvamaja man. Seokõrd võtsõ liikmispääväst ossa ca 60 inemist, raa tekk läbi 42 inemist (kõik punkti’ käve läbi 22 osalist). Seokõrd mängiti üten rahvaga Rõugõ kihlkunnast üles kirotõdut laulumängu „Talupoig võtsõ naasõ“. Laulu võtt’ iist Meelika Hainsoo. Tedä tugiva Rõugõ Põhikooli perrerühm, juhõndaja Merike Helekivi.
Rõugõ raameistre oll’ Sixten Sild. Raa pääl oll’ 18 kultuuriluuga köüdetüt punkti, raa pikkus oll’ umbõs 10 kilomiitret. Märgotusülesande “Küläline ja tüü” vastussõvariandõst valiti kõgõ inämb 3. variantsi.
Kullõ
vai loe’ märgotamisülesannõt.
Kae’ Rõugõ rata.
5. päiv
9.12.2023 kell 11 saimi kokko Räpinä kihlkunnan Räpinä aiakooli man. Seokõrd võtt’ liikmispääväst ossa ca 50 inemist, raa tekk’ läbi 43 inemist (kõik punkti käve läbi 4 osalist). Seokõrd mängiti üten rahvaga Räpinä kihlkunnast üles kirotõdu laulumängu „Sõudkõ’, käe’, sõudkõ’, jala’!“. Laulu võtt’ iist Hainsoo Meelika. Tedä tugiva Räpinä naisikoori ansambli ja juhõndaja Jaanus Prükk, Räpinä ÜG poissõkuur ja juhõndaja Marika Aruküla, Räpinä ÜG mudilaisikuur ja juhendaja Anu Silm, Räpinä Kammõrkuur ja Räpinä ÜG latsikuur ja näide juhõndaja Tiina Kadarpik.
Räpinä raameistre oll’ Katrin Viilu. Raa pääl oll’ 23 kultuuriluuga köüdetüt punkti, raa pikkus oll’ umbõs 14 kilomiitret. Märgotusülesande “Kolm põrst ülikoolin” vastussõvariandõst valiti kõgõ inämb 4. variantsi.
Kullõ
vai loe’ märgotamisülesannõt.
Kae’ Räpinä rata.
4. päiv
11.11.2023 kell 11 saimi kokko Urvastõ kihlkunnan Antsla kultuurikeskusõ man.
Urvastõ kihlkunna etapist võtt ossa ca 90 inemist, raa tekk’ läbi 72 inemist (kõik punkti käve läbi 20 inemist). Seokõrd mängiti üten rahvaga Urvastõ kihlkunnast üles kirotõdu laulumängu „Siidisulist tsirgukõnõ“. Laulu võtt’ iist Meelika Hainsoo. Tedä tugiva Antsla Sügismeloodia laulukuur (juhendaja Linda Kapp), tandsuselts Pärliine (juhendaja Leili Väisa) ja Antsla gümnaasiumi noorõ’ (juhendaja Celia Roose).
Antsla raameistre oll Sixten Sild, raa pääl oll 16 kultuuriluuga köüdetüt punkti. Märgotusõülesandõ „Allergiä saapidõga kassi vasta“ vastussõvariandõst valiti kõgõ inämb tõist variantsi.
Kullõ
vai loe’ märgotamisülesannõt.
Kae’ Antsla rata.
3. päiv
21.10.2023 kell 11 saimi kokko Karula kihlkunnan Lüllemäel. Karula etapist võtt’ ossa ca 60 inemist, raa tekk’ läbi 45 inemist. Celia Roose iistvõtmisõl opiti selges Karula kihluonna laulumäng “Siimani seeli”. Laulumängu opmist tugiva’ Kaika kuur, naisirühm Karukell (juhendaja Elin Lihten), Lüllemäe Põhikooli noorõ’ ja Triin Tanilas. Karula kihlkunna tsihiotsimisõ man oll tsihinäütäjäs seo kandi kõgõ parõmb tiijuht, kiränik, usu- haridusõ- ja poliitikategeläne Jaan Lattik, kink sünnüst sai 22. oktoobril 145 aastakka. Karula raameistre’ olli’ Jaan Lattik, Toivo Kotov ja Sixten Sild. Raa pääl oll 20 kultuuriluuga köüdetüt punkti, egä punkti man ka lühkü seletüse, mille taa paik tähtsä om. Raa pikkus oll kokko ca 13 kilomiitret ja kõik 20 punkti käve läbi 7 inemist. Märgotusõülesandõ “” vastussõvariandõst valiti kõgõ inämb kolmandat variantsi.
Kullõ
vai loe’ märgotamisülesannõt.
Kae’ Lüllemäe rata.
2. päiv
9.09.2023 kell 11 saimi kokko Vahtsõliina rahvamaja man. Uma Pido tsihiotsmisõ tõsõst pääväst võtt’ ossa ca 70 inemist, raa tekk läbi 50 inemist. Tsihiotsmisõpäävä alostusõs ütel tervitüssõna’ võro keele iistkõnõlõja Saarõ Hipp. Hainsoo Meelika iistvõtmisõl opiti selges Vahtsõliina kihlkunnast üles kirotõt laulumäng „Kos käisid, väike Anneke?“. Meelikalõ olli toes naisirühm Naistepuna, segärühm Kullerid ja Vahtsõliina latsiaia folkloorirühm. Tsihiotsmismängu raa valmist ette Silla Sixten üten Ruusa Ago ja Uunoga. Raa pääl oll 20 kultuuriluuga köüdetüt punkti, egä punkti man ka lühkü seletüse, mille taa paik tähtsä om. Raa pikkus oll kokko ca 10 kilomiitret ja kõik 20 punkti käve läbi 8 inemist. Märgotusõülesandõ “Vehverkoogimaja” vastussõvariandõst valiti kõgõ inämb edimäst variantsi.
Kullõ
vai loe’ märgotamisülesannõt.
Kae’ Vahtsõliina rata.
1. päiv
20.08.2023 kell 11 saimi kokko Võro liina keskplatsi pääl. Uma Pido tsihiotsmisõ edimädsest pääväst võtt’ ossa ca 80 inemist, raa tekk läbi 54 inemist. Tsihiotsmisõ alostusõs ütel tervitüssõna’ võro keele iistkõnõlõja Saarõ Hipp. Hainsoo Meelika iistvõtmisõl opiti selges Põlva kihlkunnast üles kirotõt laulumäng „Mi lääme’ kaara põimma“. Meelikalõ olli toes segäkuur Claro ja Kääpä Põhikooli vanõmb ja noorõmb tandsurühm. Tsihiotsmismängu raa valmist ette Silla Sixten. Raa pääl oll 17 kultuuriluuga köüdetüt punkti, egä punkti man ka lühkü seletüse, mille taa paik tähtsä om. Raa pikkus oll kokko ca 15 kilomiitret ja kõik 17 punkti käve läbi 24 inemist. Märgotusõülesandõ “Kunna valigu'” vastussõvariandõst valiti kõgõ inämb kolmandat variantsi.
Kullõ
vai loe’ märgotamisülesannõt.
Kae’ Võro liina rata.
Tsihiotsmisõ- ja mängopäävä’
20.08.2023 kell 11 saami kokko Võro liina keskplatsi pääl.
9.09.2023 kell 11 saami kokko Vahtsõliina rahvamaja man Vahtsõliina kihlkunnan.
21.10.2023 kell 11 saami kokko Lüllemäe põhikooli man Karula kihlkunnan.
11.11.2023 kell 11 saami kokko Antsla kultuurikeskusõ man Urvastõ kihlkunnan.
9.12.2023 kell 11 saami kokko Räpinä aianduskooli man Räpinä kihlkunnan.
20.01.2024 kell 11 saami kokko Rõugõ rahvamaja man Rõugõ kihlkunnan.
3.02.2024 kell 11 saami kokko Verska kultuurikeskusõ man Setomaal.
16.03.2024 kell 11 saami kokko Kanepi gümnaasiumi man Kanepi kihlkunnan.
13.04.2024 kell 11 saami kokko Harglõ maakultuurimaja man Harglõ kihlkunnan.
18.05.2024 kell 11 saami kokko Põlva kultuurikeskusõ man Põlva kihlkunnan.
Kõrraldasõ’:
Võro selts VKKF,
Võro Instituut,
Tarto ülikooli eetigakeskus, orientiirümisklubi Põlva Kobras, orientiirümisklubi Võru,
Verska orientiirümisklubi Peko, orientiirümisklubi Juku-Peedu, Sõprade Pool MTÜ,
Võromaa spordiliit,
Võru Kannel,
Põlva maakunna spordiliit,
Antsla kultuurikeskus,
Harglõ maakultuurimaja,
Räpinä valla kultuurikeskus, Rõugõ rahvamaja,
Setomaa kultuurikeskus,
Vahtsõliina rahvamaja jt.
Tugõja’:
